"Manchester Yunayted" endi Xarri Keynni sotib olishga urinmaydi.
The Guardian nashri xabariga ko‘ra, "mankunianliklar" yozda hujumchi bilan shartnoma imzolash g‘oyasidan voz kechishgan.
Bosh murabbiy Erik ten Xag bu natijadan hafsalasi pir bo‘lgan, chunki uni asosiy transfer maqsadi deb hisoblagan. Ammo niderlandiyalik murabbiy shartnomasi bir yildan keyin tugaydigan futbolchi uchun klub ma’lum miqdordan ko‘proq pul to‘lay olmasligini tushunadi, "Tottenxem" prezidenti Daniel Levi esa Keynni saqlab qolishdan manfaatdor va u bilan yangi shartnoma bo‘yicha muzokaralar olib borishga harakat qilmoqda va shuning uchun ham yon bermayapti.
"Manchester Yunayted" 2024 yilning yozida angliyalik hujumchini tekinga sotib olishga urinib ko‘rishi mumkinligi xabar qilingandi.
