"Ноттингем Форрест" ярим ҳимоячи Бреннан Жонсонни "Брентфорд"га 30 миллион фунтга сотишдан бош тортди, дея хабар беради журналист Фабрицио Романо.
Савдо "ўрмончилар" учун рекорд савдо бўлиши мумкин эди, аммо клуб 22 ёшли уэльслик футболчини сотиш ҳақида ўйламаяпти. "Брентфорд" "Ноттингем Форест"ни трансферга рози бўлишга кўндириш умидида футболчи учун яна бир таклиф билан чиқмоқчи.
Бреннан Жонсон "Ноттингем Форрест" тарбияланувчиси. 2022/23 йилги мавсумда у жамоа сафида барча мусобақаларда 44 та ўйинда 10 та гол урди ва 3 та голли узатмани амалга оширди.