Уругвай терма жамоаси ўртоқлик учрашувида Никарагуа терма жамоаси устидан ғалаба қозонди – 4:1. Учрашув Монтевидеодаги "Сентенерио" стадионида бўлиб ўтди.
Ҳужумчи Матиас Арезо 8-дақиқада мезбонларни ҳисобда олдинга олиб чиқди. Унда яна 20 дақиқадан сўнг дубль қайд этиш имконияти бўлди, аммо пенальтини голга айлантира олмади. Танаффусга қадар Уругвай терма жамоаси "Шальке" азоси Родриго Залазарнинг голи эвазига ҳисобда иккита фарқ устунлигини юзага келтирди.
Иккинчи бўлим бошида Брайан Родригес ҳисобни йирик кўринишга олиб келди, кейин эса Залазар дубль қайд этди. Меҳмонлар сўнгги дақиқаларда ягона голини уришга муваффақ бўлишди - тўпни Луис Коронел киритди.
Уругвай терма жамоаси учун бу янги бош мураббий Марсело Бьелса қўл остидаги илк ўйин бўлди.
