Аргентина терма жамоаси ҳужумчиси Лионель Месси ўртоқлик учрашувида Австралия термасини мағлуб этганидан сўнг ижтимоий тармоқда фикр билдирди. Учрашув “Альбиселесте”нинг 2:0 ҳисобидаги ғалабаси билан якунланди.
“Мен Аргентина терма жамоасида бўлишдан мамнунман. Хитойдаги мухлисларга ажойиб қўллаб-қувватлаш учун катта раҳмат”, - деди 35 ёшли ҳужумчи ижтимоий тармоқдаги постида.
Охирги учрашувда Месси фаолиятидаги энг тезкор голини урди. Рақиб дарвозасига гол киритиш учун унга старт ҳуштагидан кейин 1 дақиқа 19 сония керак бўлди. Аввалроқ унинг энг яхши кўрсаткичи Лондоннинг “Челси” клуби дарвозасига урилган гол бўлиб, ўйин бошланганидан 2 дақиқа 7 сония ўтиб гол урганди.
