Дортмунднинг “Боруссия” клуби ярим ҳимоячи Эмре Жан билан шартномани узайтирмоқчи эмас. Бу ҳақда журналист Патрик Бергер ижтимоий тармоқларда хабар берди.
Шу билан бирга, "Боруссия" Жанни ёзги трансфер ойнасида эркин агент сифатида қўйиб юбормоқчи эмаслиги қайд этилган.
Эмре Жаннинг амалдаги шартномаси 2024 йилнинг июнь ойи охиригача амал қилади. Умумий ҳисобда ярим ҳимоячи “Боруссия” сафида 121 та ўйин ўтказган. Уларда 29 ёшли футболчи 12 та гол урди ва 8 та голли узатмани ҳамкорларига тақдим этди.
Қўшимча қиламизки, Transfermarkt портали Эмре Жанни 14 миллион еврога баҳоламоқда.
