Dortmundning “Borussiya” klubi yarim himoyachi Emre Jan bilan shartnomani uzaytirmoqchi emas. Bu haqda jurnalist Patrik Berger ijtimoiy tarmoqlarda xabar berdi.
Shu bilan birga, "Borussiya" Janni yozgi transfer oynasida erkin agent sifatida qo‘yib yubormoqchi emasligi qayd etilgan.
Emre Janning amaldagi shartnomasi 2024 yilning iyun oyi oxirigacha amal qiladi. Umumiy hisobda yarim himoyachi “Borussiya” safida 121 ta o‘yin o‘tkazgan. Ularda 29 yoshli futbolchi 12 ta gol urdi va 8 ta golli uzatmani hamkorlariga taqdim etdi.
Qo‘shimcha qilamizki, Transfermarkt portali Emre Janni 14 million yevroga baholamoqda.
