"Арсенал" ҳимоячиси Якуб Кивиёр Германия билан бўлган ўртоқлик учрашувида ягона голга муаллифлик қилди. Польша пойтахти Варшава шаҳрида бўлиб ўтган ўйинда мезбонлар зафар қучди.
Германия рақиб дарвозаси томон 26 та зарба йўллаган бўлса ҳам, гол уришга эриша олмаган эди. Ушбу баҳсда, шунингдек, Польшанинг фахрий ҳужумчиси Якуб Блашиковски терма жамоадаги фаолиятига якун ясади.
37 ёшли футболчи 109 та баҳсда польшаликлар шарафини ҳимоя қилган эди. Шуни ҳам қайд этиб ўтиш керакки, учрашувда ягона бўлган голи муаллифи "Арсенал" вакили саналади ва у терма жамоада илк марта гол урди.
