"ПСЖ" ва Туриннинг "Ювентус" клубининг собиқ футболчиси, ҳозирда эркин агент ҳисобланган Анхель ди Мария Португалия Примерасига ўтиши мумкин.
Журналист Луис Мерлонинг ижтимоий тармоқларда ёзишича, Лиссабоннинг "Бенфика" клуби аргентиналик футболчи билан шартнома имзоламоқчи. “Бургутлар” вакиллари аллақачон жаҳон чемпионининг агенти билан музокарага киришган. Анхель учун яна бир даъвогар "Интер Майами" бўлиб, унинг сафига яқинда Лионель Месси келиб қўшилган. Ди Мариянинг ўзи фаолиятини Европада давом эттирмоқчи.
Италия чемпионатининг сўнгги мавсумида Анхель 26 та жанг ўтказиб, тўртта гол ва тўртта голли узатмани амалга оширган.