"PSJ" va Turinning "Yuventus" klubining sobiq futbolchisi, hozirda erkin agent hisoblangan Anxel di Mariya Portugaliya Primerasiga o‘tishi mumkin.
Jurnalist Luis Merloning ijtimoiy tarmoqlarda yozishicha, Lissabonning "Benfika" klubi argentinalik futbolchi bilan shartnoma imzolamoqchi. “Burgutlar” vakillari allaqachon jahon chempionining agenti bilan muzokaraga kirishgan. Anxel uchun yana bir da’vogar "Inter Mayami" bo‘lib, uning safiga yaqinda Lionel Messi kelib qo‘shilgan. Di Mariyaning o‘zi faoliyatini Yevropada davom ettirmoqchi.
Italiya chempionatining so‘nggi mavsumida Anxel 26 ta jang o‘tkazib, to‘rtta gol va to‘rtta golli uzatmani amalga oshirgan.