Зинедин Зидан "Реал"га қайтиши мумкин.
AS нашри хабарига кўра, Флорентино Перес собиқ футболчи ва жамоа мураббийи клубнинг ташкилий тузилмасига киришини истамоқда.
Президентнинг фикрича, Зидан "Реал"га маслаҳатчи ёки бошқа йўл билан ёрдам бериши мумкин.
Қайд этилишича, Зидан жамоада ўз таъсирини сақлаб қолган. У Эдуардо Камавинга, Аурелиен Тчуамени ва Жуд Беллингемнинг трансферларида рол ўйнаган ва Райан Шерки ва Килиан Мбаппенинг эҳтимолий трансферлари ҳам унинг номи билан боғлиқ.
Зидан "Реал"ни энг ижобий натижа билан тарк этмаганига қарамай, вақт ўтиши билан у ва Флорентино Перес ўртасидаги муносабатлар яхшиланди.
