"Реал" бош мураббийи Жозе Моуриньо клубнинг янги ўйинчиси, Хорватиялик яримҳимоячи Лука Модричнинг клубга мослашиб кетиши учун вақт кераклигини таъкидлади.
"Лукага боғлиқ вазиятда мухлислар хотиржам бўлсинлар. Биз унинг ажойиб ўйинчилигини биламиз, аммо унга клуб ичида ўсиши керак. У тактик жиҳатдан етилиши, ўзининг жамоадаги ўрнини ҳис қилиши ва "Реал" ўйин усулига ўрганиши керак. У жамоанинг тўлақонли аъзоси бўлиши учун кўп нарсаларга кўникиши керак. У ажойиб ўйинчи ва мен аминманки, мухлислар уни ҳозирча тинч қўйишлари керак", - дейди Моуриньо.
