Ҳужумчи Кай Хаверц “Арсенал” либосини кийишга тобора яқинлашмоқда. Нуфузли инсайдер Фабрицио Романонинг ижтимоий тармоқларда хабар беришича, 24 ёшли германиялик аллақачон “канонирлар” билан шахсий шартнома шартларини келишиб олган. Клуб тез орада "Челси" учун янги трансфер таклифи билан чиқади. Шартнома халқаро ўйинлар учун танаффусдан сўнг якунланиши мумкин.
Кай Хаверц Transfermarkt экспертлари томонидан 60 миллион еврога баҳоланган. Футболчи ҳужумнинг энг юқори нуқтасида, шунингдек, ҳужумкор ярим ҳимоячи ва ўнг қанот вингери позицияларида ўйнай олади.