Златан Ибраҳимович падел ўйинининг ашаддий мухлиси сифатида танилган ва у ҳатто бу спорт тури учун ўз марказини ҳам очган.
Одатдагидек, у бу ҳақда ижтимоий тармоқларда маълум қилди ва Новак Жоковичнинг машғулотларидан видеони жойлаштирди.
"Сен тайёр бўлганингда, мен кутаман...", дея пост қолдирган Ибра. Сербиялик супер теннисчи тезда жавоб қайтарди. “Биродар, мен тайёрман. Майдоннинг бир томонида сиз ва мен енгилмас бўламиз", - деб жавоб ёзди "Милан"нинг ашаддий мухлиси сифатида танилган Жокович.
Эслатиб ўтамиз, Ибраҳимович мавсум якунида "Милан" билан хайрлашганди.
