"Манчестер Сити" ярим ҳимоячиси Илкай Гюндоган ўз клубини тарк этиб, "Барселона"га ўтишга яқин турибди.
Хабарларга кўра, "кўк-анорранглилар" сўнгги кунларда Гюндоганнинг агентидан ижобий сигналлар олган. Клуб яқин орада футболчининг трансферга якуний розилигини беришига деярли ишонч билдирмоқда. Эслатиб ўтамиз, Илкай "Барселона" билан 3 йиллик шартномани келишиб олган.
Гюндоган "Манчестер Сити" билан УЕФА Суперкубоги ва клублар ўртасидаги жаҳон чемпионатидан ташқари барча совринларни қўлга киритди. "Шаҳарликлар" кейинги мавсумда ушбу турнирларда ғолиб чиқиш имкониятига эга бўлишади.