"Манчестер Сити" президенти Халдун Ал-Муборак ҳужумчи Эрлинг Холанд ўтган ёзда жамоага ўтганини эслади.
“Мен Холанд билан биринчи марта гаплашганимда, унинг ишончи мени ҳайратда қолдирди. Бу алоҳида нарса эди - ўзига бўлган ишонч. Суҳбат якунида у шундай деди: “Жаноб президент, мен сиз учун Чемпионлар лигасини ютиб бераман. Мен “Манчестер Сити”га Чемпионлар лигасида ғалаба қозонишга ёрдам бериш учун келдим ва биз буни уддалаймиз”. Бу футболчининг буюклигидан далолат беради”, деди ал-Муборак клуб матбуот хизматига.
Эслатиб ўтамиз, "Манчестер Сити" тарихида илк бор Чемпионлар лигасида ғолиб чиқди. Финалда “шаҳарликлар” “Интер”ни мағлуб этишди (1:0).
