"Манчестер Юнайтед" марказий ҳимоячи Эрик Байининг "Реал Бетис"га ўтиши бўйича келишув шартларини эълон қилди.
Журналист Саймон Жонснинг ёзишича, “қизил иблислар” ивуарлик футболчини икки миллион евродан сал кўпроқ маблағ эвазига қўйиб юбормоқчи.
Эслатиб ўтамиз, Байи аллақачон Испания Ла Лигасида ўйнаган. 2016 йилда "Манчестер Юнайтед"га ўтишдан олдин Эрик "Вильярреал" шарафини ҳимоя қилган.
Эътиборлиси, ивуарлик ўтган мавсумни "Марсел"да ижарада ўтказди, аммо провансликлар ҳимоячини доимий равишда сотиб олишмади.
Байининг "Манчестер Юнайтед" билан шартномаси тугашига атиги бир йил қолди.
