"ПСЖ" ва Франция терма жамоаси ҳужумчиси Килиан Мбаппе ЖЧ-2022 финалида Аргентинага қарши ўйинни (3:3, 2:4 пенальтилар) эслади.
"Ўшанда мен нима бўлаётганини тушунмасдим. Агар биз 1:0 ҳисобида ғалаба қозонсак, хет-тригимни қандайдир оддий голга алмаштирган бўлардим. Биз тарих ёзмоқчи эдик, кубокни олмасдан туриб унга яқинлашиш қийин эди. Бутун жаҳон чемпионати ўзгача бўлди, бу турнир мавсумнинг энг алоҳида лаҳзаси. Бу воқеа бутун мавсумни акс эттиради", — дея Мбаппе сўзларини келтиради RMC Sport.
Жаҳон чемпионатида Мбаппе саккизта гол уриб, турнирнинг энг яхши тўпурари бўлди. Ҳужумчи турнир финалида хет-трик қайд этди. Аргентина терма жамоаси пенальтилар сериясида ғалаба қозониб, 2022 йилги жаҳон чемпиони бўлди.
