Ярим ҳимоячи Жоржиньо Вейналдум "Рома"да ижарада ўйнаганидан сўнг "ПСЖ"га қайтмоқда.
Нидерландиялик футболчи "бўрилар" сафидаги илк ўйинида жиддий жароҳат олди ва фақат февраль ойида сафга қайтди. 32 ёшли футболчининг ижараси июнь ойи охиригача ҳисобланган ва уни сотиб олиш имкониятини кўзда тутади, аммо "Рома" бу бандни фаоллаштирмаслик ҳақида якуний қарорга келди, дея хабар беради инсайдер Николо Скира. Шундай қилиб, Вейналдум "Пари Сен-Жермен"га қайтади, аммо улар ҳам футболчига ишонмайдилар. Футболчининг яқин орада бошқа клубга ўтиш эҳтимоли анча юқори.
Жоржиньо Вейналдум “Рома” сафида 23 та ўйинда майдонга тушиб, 2 та гол ва 1 та голли узатмага муаллифлик қилган.
