Миланнинг "Интер" клуби ярим ҳимоячи Марсело Брозовични "Ан-Наср"га сотиш бўйича музокараларни давом эттирмоқда.
Журналист Паскал Гарронинг сўзларига кўра, “нерадзуррилар” Саудия жамоасининг сўнгги 15 миллион евролик таклифидан қониқмаган.
Манбанинг хабар беришича, “Интер” хорватиялик футболчи учун 20-25 миллион евро талаб қилмоқчи. Футболчининг ўзи ҳам кўчиб ўтишга тайёр, чунки Саудия Арабистонида унга маошини сезиларли даражада оширилиши ваъда қилинмоқда.
Брозович А Сериянинг сўнгги мавсумида учта гол урди ва бешта голли узатмани амалга оширди.