"Манчестер Сити" "Челси" ярим ҳимоячиси Матео Ковачич билан шартнома имзолашга яқин турибди, дея хабар беради инсайдер Фабрицио Романо.
Манбага кўра, томонлар барча тафсилотларни келишиб олишган, шу боис футболчининг трансфери шу ҳафтада эълон қилинади.
2022/23 йилги мавсумда 29 ёшли хорват “Челси” сафида барча турнирлар доирасида 37 та ўйинда майдонга тушиб, 2 та гол урди ва 2 та голли узатмани амалга оширди. Transfermarkt портали футболчининг нархини 40 миллион еврога баҳоламоқда.













