Ҳимоячи Леонардо Бонуччи жорий трансфер ойнасида Туриннинг “Ювентус” клубини тарк этмайди. Бу ҳақда инсайдер Фабрицио Романо ижтимоий тармоқлар орқали маълум қилди.
Эслатиб ўтамиз, матбуотда марказий ҳимоячининг клубини ўзгартириш нияти борлиги ҳақида хабарлар тарқалган эди.
Бонуччи "кекса синёра"даги ўйин вақтидан норози ва у асосий таркибда мустаҳкам ўйинчига айланиш учун янги жамоа топмоқчи.
Ўтган мавсумда Леонардо "кекса синьора" учун барча турнирларда 16 та баҳсларда қатнашиб, битта гол урган. Томонлар ўртасидаги амалдаги меҳнат шартномаси муддати келгуси йилнинг ўрталаригача ҳисобланган.