Бельгия терма жамоаси ярим ҳимоячиси Янник Карраско дарвозабон Тибо Куртуанинг терма жамоани тарк этиш қарорига изоҳ берди.
“Унинг муносабатидан ҳафсаламиз пир бўлди. Сиз ўзингизнинг шахсий фазилатларингиз билан етакчи эканлигингизни кўрсатишингиз керак. Ахир у жамоанинг бир қисми ва учта сардордан бири" - дея Карраско сўзларидан иқтибос келтиради Relevo.
Аввалроқ, 31 ёшли дарвозабон Бельгия терма жамоасини 2024 йилги Европа чемпионати саралаши доирасидаги Эстонияга (3:0) қарши ўйин олдидан тарк этгани маълум бўлганди. Хабар қилинишича, футболчининг кетишига Кевин де Брюйне йўқлигида терма жамоада сардорлик боғичини у эмас, балки Ромелу Лукаку олганидан норози бўлган.
