"Челси" ва "Арсенал" "Монако" ҳимоячиси Аксел Дисаси учун курашга қўшилишмоқчи, деб хабар беради RMC Sport.
Манбага кўра, Англия футболининг ҳар икки гиганти ҳам футболчи бўйича сўров билан чиққан, бироқ ҳозирча аниқ ҳеч нарса таклиф қилмаган.
Қайд этилишича, Лондон клубларининг қизиқишларига қарамай, "Манчестер Юнайтед" ҳамон футболчини қўлга киритиш учун асосий фаворит саналмоқда.
2022/2023 йилги мавсумда Дисаси "Монако" сафида барча мусобақаларда 49 та ўйинда майдонга тушиб, 6 та гол ва 4 та голли узатмани амалга оширди.