"Челси" ярим ҳимоячиси Каллум Хадсон-Одоига Саудия Арабистонининг номи ошкор этилмаган икки клуби қизиқиш билдирмоқда. Бу ҳақда инсайдер Фабрицио Романо ўзининг “Twitter”ида хабар берди.
Манбанинг хабарига кўра, футболчи билан музокаралар ҳали бошланмаган, чунки инглиз футболчиси Яқин Шарққа кўчиб ўтишга қизиқадими ёки йўқлиги номаълум. 2022/2023 йилги мавсумда Хадсон-Одои Леверкузеннинг "Байер" клубида "Челси"дан ижара асосида ўйнаган. Ярим ҳимоячи Бундеслигада 14 та ўйин ўтказиб, битта голга ассистентлик қилган.