Лондоннинг “Тоттенхэм” клуби янги дарвозабон излашда давом этмоқда ва нафақат “Брентфорд” дарвозабони Давид Райя, балки “Валенсия” кипери Гиорги Мамардашвилига ҳам қизиқиш билдирмоқда. Бу ҳақда инсайдер Фабрицио Романо ўзининг Twitter саҳифасида хабар берди.
Манбага кўра, "шпорлар" ҳамон Райяни асосий вариант сифатида кўрмоқда, аммо "Брентфорд"нинг сўраган 47 миллион евро нархи жамоа учун жуда қиммат бўлмоқда. Қайд этилишича, ҳозирда “Тоттенхэм” “Валенсия” ва Грузия терма жамоаси дарвозабони Гиорги Мамардашвилининг трансфери имконияти борасида суриштирувларни бошлаган.
