Londonning “Tottenxem” klubi yangi darvozabon izlashda davom etmoqda va nafaqat “Brentford” darvozaboni David Rayya, balki “Valensiya” kiperi Giorgi Mamardashviliga ham qiziqish bildirmoqda. Bu haqda insayder Fabrisio Romano o‘zining Twitter sahifasida xabar berdi.
Manbaga ko‘ra, "shporlar" hamon Rayyani asosiy variant sifatida ko‘rmoqda, ammo "Brentford"ning so‘ragan 47 million yevro narxi jamoa uchun juda qimmat bo‘lmoqda. Qayd etilishicha, hozirda “Tottenxem” “Valensiya” va Gruziya terma jamoasi darvozaboni Giorgi Mamardashvilining transferi imkoniyati borasida surishtiruvlarni boshlagan.