“Тоттенхэм” клуби марказий ҳужумчиси Харри Кейн Англия премьер-лигасининг бошқа клуби “Манчестер Юнайтед”га ўтиши мумкин.
Daily Mail таблоидига кўра, "қизил иблислар" 29 ёшли футболчига эҳтимолий трансфер бўйича маслаҳат берган. "Манчестер Юнайтед" ҳужумчига ёзда "Тоттенхэм" раҳбарларидан ўзини қўйиб юборишларини сўрашини айтган.
Қайд этилишича, "манкунианликлар" Кейн трансфери учун 92 миллион евродан кўп бўлмаган миқдорда пул тўлашга тайёр.
Харри 2011 йилнинг январидан бери "Тоттенхэм"да тўп тепади. Унинг "шпорлар" билан шартномаси келаси йилнинг ўрталарига қадар амал қилади.
