Россия чемпионатининг 12-тури доирасида Махачқалъанинг "Анжи" ва Москванинг "Спартак" клублари ўртасидаги ўйинда доғистонлик мухлис юрак хуружидан вафот этди.
52 ёшли Магди Гаджимагомедов танаффус вақтида ўзини ёмон ҳис қила бошлади. Биринчи бўлимдан кейин махачқалъаликлар ҳисобда орқада бораётган эди, аввал ҳисобни тенглаштириб, сўнг ғалаба қозондилар - 2:1.
"Биз уни яхши билар эдик, бу жонкуяр мухлис эди, беш нафар фарзанднинг отаси бўлган бу мухлис жамоанинг уй ва сафардаги ўйинлар кўп ўйинларига ташриф буюрар эди. Унинг ёнида бўлганларнинг айтишича, у жамоанинг ўйинидан қаттиқ асабланган, у вақтда "Анжи" ютқазаётган эди. Уни "Тез ёрдам" машинасига чиқардик, аммо шифохонага етмасдан вафот этибди. Бу "Анжи" ишқибозлари учун катта йўқотиш", - дея "Анжи" мухлислари клуби раиси Рамазон Газиевнинг сўзларини келтиради РИА "Новости".
