"Ювентус" яримҳимоячиси Поль Погба Италия чемпионати 8-турида "Наполи" қарши ўйинда гол киритди ва голни кимга бағишлагани билдирди.
"Гол урганимда нималарни ҳис қилганимни яхши эслай олмайман. Голимни трибунада ўтирган яқинларимга бағишлаш учун уларга қарадим. Ҳар доим яхши ўйнашга харакат қиламан.
Урган голим учун Фергюсондан табрик кутяпманми? Мен унинг табрик йўллашига ишонмай турибман", - дея Погбанинг сўзларини келтиради Football Italia.
Эслатиб ўтамиз, Погба ўтган мавсумни "Манчестер Юнайтед" сафида ўтказган эди. Фергюсон бошлиқ мураббийлар штаби 19 ёшли француз футболчисига ишонч билдирмади ва у бор йўғи учта ўйинда майдонга тушган эди.
