"Манчестер Юнайтед" ярим ҳимоячиси Ханнибал Межбри тез орада фаолиятини Германия Бундеслигасида давом эттириши мумкин.
Журналист Рич Фейнинг ёзишича, футболчининг хизматларига Дортмунднинг “Боруссия” клуби қизиқмоқда.
Манбанинг хабар беришича, Дортмунднинг "Боруссия" клуби футболчи учун 15 миллион евро таклиф қилишга тайёр. "Манчестер Юнайтед" раҳбарияти қанчага рози бўлиши ҳозирча номаълум.
Эслатиб ўтамиз, ўтган мавсумда Ханнибал Чемпионшипда “Бирмингем” сафида ижара асосида ўйнаган. Ярим ҳимоячи иккинчи дивизионнинг 38та ўйинида битта гол ва бешта голли узатмага муаллифлик қилган.
