"Ювентус" ярим ҳимоячиси Денис Закария "Вест Хэм"га ўтиши мумкин.

Журналист Фабрицио Романо хабарига кўра, "болғачилар" аллақачон "кекса синьора" вакиллари билан эҳтимолий трансфер борасида суҳбат қуришган. Манбага кўра, "Ювентус" ўтган мавсумни "Челси"да ижара асосида ўтказган футболчиси билан ҳисоблашмаяпти.

26 ёшли швейцариялик футболчи "кўклар" сафида 11 та ўйинда майдонга тушди, шу жумладан у барча турнирларда битта гол урган. Закария ва "Ювентус" ўртасидаги амалдаги келишув 2026 йилгача мўлжалланган. Ярим ҳимоячининг трансфер нархи 18 миллион еврога баҳоланмоқда.