Ромелу Лукакуни “Милан”да кўришимиз даргумон.
Ўтган мавсумда "Интер"да ўйнаган "Челси" футболчиси сўнгги кунларда "Милан"га ўтиши ҳақида фаол янгиликлар чиқди. Инсайдер Фабрицио Романонинг Лукаку вакилига таяниб хабар беришича, ҳозирда “россонерилар” билан музокаралар олиб борилмаяпти. Қолаверса, бельгиялик ҳали ҳам Европани тарк этиш ниятида эмас, шу боис Саудия Арабистони таклифларини қабул қилмайди. "Челси" 30 ёшли ҳужумчини муносиб нархга сотишга тайёр, аммо "Интер" ҳали лондонликларга мос келадиган шартларни таклиф қилмаган кўринади.
Ромелу Лукаку ўтган мавсумда “Интер” сафида 37 ўйинда 14 та гол урди ва 7 та голли узатмани амалга оширди.
