"Сассуоло" "Валенсия" ярим ҳимоячиси Юнус Мусани ўз сафига қўшиб олмоқчи, дея хабар беради журналист Жанлука Ди Марцио.
Италия клуби 20 ёшли америкалик футболчини "Милан"га ўтишга яқин турган Давиде Фраттезига ўринбосар сифатида кўрмоқда.
Муса 2019 йил августидан буён “Валенсия”да тўп тепмоқда, 2022/23 йилги мавсумда ярим ҳимоячи жамоа сафида барча мусобақаларда 37 та ўйинда майдонга тушиб, 2 та голли узатмани амалга оширган.
Футболчининг шартномаси 2026 йилнинг июнь ойи охиригача амал қилади, Transfermarkt.com футболчининг нархини 18 миллион еврога баҳоламоқда.