"Ньюкасл" трансфер кампаниясини давом эттиришни режалаштирмоқда.
Аввалроқ, инглиз клуби "Милан" ярим ҳимоячиси Сандро Тоналини сотиб олиши маълум бўлганди.
Жанлука Ди Марционинг сўзларига кўра, А Сериянинг яна икки ўйинчиси - "Милан" ҳимоячиси Тео Эрнандес ва "Ювентус" вингери Федерико Кьеза "қарғалар" қизиқиш доирасига тушиб қолган.
"Ньюкасл" Эрнандеснинг трансфери "Милан"нинг талаблари ва "Атлетико"нинг футболчига қизиқишини ҳисобга олган ҳолда қийин бўлишини билади.
Кьезага келсак, британияликлар "Ювентус"дан трансфер имконияти ҳақида маълумот сўрашган. Қайд этилишича, “Астон Вилла” Федерико учун “бьянконерилар”га 60 миллион евро таклиф қилган, бироқ футболчининг ўзи Конференциялар лигасидаги клубга ўтишни истамаяпти.