УЕФА президенти Александер Чеферин Истанбулда ўтган ЕЧЛ финалидаги ҳолат ҳақида гапирди. У шундай дейди:
"Сиз ўша тунда ноқулайликларга учрагансиз. Буни биламан. Шу сабаб танқидларни тўғри қабул қиламан. Барчамиз Истанбулдаги тунда ҳамма нарса рисоладагидек бўлмаганини биламиз.
Муаммоларни инкор эта олмайман. Аммо биргаликда ҳаммасига ечим топсак бўлади. Муаммо деганда мухлислар дуч келган транспорт билан боғлиқ муаммолар, стадионнинг мезбонлик шароитлари, сув таъминоти ва ҳожатхона хизматларини назарда тутдим. Булар ҳал қилиниши керак эди".
