“Краснодар” ҳужумчиси Жон Кордоба фаолиятини Саудия Арабистонида давом эттириши мумкин.
"РБ Спорт" нашри хабарига кўра, колумбиялик ҳужумчи Саудия клубига ўтиш вариантини кўриб чиқишга тайёр. Қайд этилишича, “Краснодар” ўз етакчисини сотишдан тахминан 12-15 миллион евро ишлаб олиши мумкин.
Эслатиб ўтамиз, Кордоба 2021 йилнинг ёзида “Герта”дан 20 миллион евро эвазига “Краснодар”га ўтган эди. "Буқалар" таркибида ҳужумчи 53 та ўйин ўтказиб, 27 та гол урди ва 14 та голли узатмани амалга оширди.
Ҳозир Transfermarkt портали 30 ёшли колумбиялик футболчини 11 миллион еврога баҳоламоқда ва унинг Россия клуби билан амалдаги шартномаси 2025 йилнинг ёзига қадар амал қилади.
