“Krasnodar” hujumchisi Jon Kordoba faoliyatini Saudiya Arabistonida davom ettirishi mumkin.

"RB Sport" nashri xabariga ko‘ra, kolumbiyalik hujumchi Saudiya klubiga o‘tish variantini ko‘rib chiqishga tayyor. Qayd etilishicha, “Krasnodar” o‘z yetakchisini sotishdan taxminan 12-15 million yevro ishlab olishi mumkin.

Eslatib o‘tamiz, Kordoba 2021 yilning yozida “Gerta”dan 20 million yevro evaziga “Krasnodar”ga o‘tgan edi. "Buqalar" tarkibida hujumchi 53 ta o‘yin o‘tkazib, 27 ta gol urdi va 14 ta golli uzatmani amalga oshirdi.

Hozir Transfermarkt portali 30 yoshli kolumbiyalik futbolchini 11 million yevroga baholamoqda va uning Rossiya klubi bilan amaldagi shartnomasi 2025 yilning yoziga qadar amal qiladi.