"Манчестер Юнайтед"да яқин орада хўжайин ўзгариши мумкин. Бу факт албатта клубнинг трансфер стратегиясига таъсир қилади. Аммо бу ҳужумчи Мэйсон Гринвуднинг келажагига таъсир қилмайди, дея хабар беради The Telegraph. Манбага кўра, 21 ёшли футболчи борасидаги қарор стратегик таҳлилдан сўнг қабул қилинади.
Эслатиб ўтамиз, "Манчестер Юнайтед" бир ярим йил аввал, футболчи зўравонликда айбланганида Гринвудни жамоадан четлатган эди. 2023 йил бошида Мэйсонга қўйилган айбловлар олиб ташланган, бироқ "қизил иблислар" ички тергов бошлагани сабаб футболчини таркибга қайтармаган.