"Manchester Yunayted"da yaqin orada xo‘jayin o‘zgarishi mumkin. Bu fakt albatta klubning transfer strategiyasiga ta’sir qiladi. Ammo bu hujumchi Meyson Grinvudning kelajagiga ta’sir qilmaydi, deya xabar beradi The Telegraph. Manbaga ko‘ra, 21 yoshli futbolchi borasidagi qaror strategik tahlildan so‘ng qabul qilinadi.
Eslatib o‘tamiz, "Manchester Yunayted" bir yarim yil avval, futbolchi zo‘ravonlikda ayblanganida Grinvudni jamoadan chetlatgan edi. 2023 yil boshida Meysonga qo‘yilgan ayblovlar olib tashlangan, biroq "qizil iblislar" ichki tergov boshlagani sabab futbolchini tarkibga qaytarmagan.
