Франциянинг "ПСЖ" клуби ҳимоячи Люка Эрнандеснинг трансфери учун илк бор Мюнхеннинг "Бавария" клуби билан боғланди. Журналист Тоби Альтшулнинг сўзларига кўра, ҳозирда клублар музокаралар олиб бормоқда. Парижликлар жамоаси ҳозирча ҳеч қандай расмий таклиф билан чиққани йўқ, аммо бу тез орада амалга ошади.
Олдинроқ "ПСЖ" Эрнандес билан шахсий шартнома шартларини келишиб, унга жуда катта маош таклиф қилганди. Парижликлар дастлаб "Бавария"нинг ўзи билан боғланишмади, чунки дастлаб улар ҳамма нарсани футболчининг ўзи билан ҳал қилмоқчи бўлишди.
Эрнандес аввалроқ "Бавария"га ёзда "ПСЖ"га ўтишни истаётганини айтганди. Мюнхен жамоаси сотувга очиқ, чунки французнинг шартномаси бир йилдан кейин тугайди.