Таиландда ўтказилаётган U17 Осиё кубоги мусобақасида гуруҳ босқичига якун ясалди. Ўзбекистон ўсмирлар терма жамоаси 3-тур доирасида Вьетнамга қарши майдонга чиқиб, кичик ҳисобда ғалаба қозонди.
Биринчи бўлимда устунлик тўлалигича Жамолиддин Раҳматуллаев шогирдлари томонида бўлди. Вакилларимиз юзага келтирилган вазиятларнинг фақат биттасини голга айлантиришди. Лазиз Мирзаев ўнг қанотдан жарима майдонига кирди ва дарвоза яқинига узатма берди. Шодибоев яқин масофадан дарвозани ишғол қилди. Шодиёр кўп ўтмасдан иккинчи голни уриши ҳам мумкин эди, аммо у дарвозабон билан яккама-якка вазият аниқ зарба бера олмади.
Иккинчи бўлимнинг ярмидан бошлаб футболчиларимиз чарчаб қола бошлади. Бундан фойдаланиб, вьетнамликлар ҳужумлар ташкил қила бошлашди. Улар иккита яхши вазиятни юзага келтиришди, аммо якуний зарба беришда футболчиларга маҳорат етишмади.
"D" гуруҳида параллел ўтган ўйинда Япония Ҳиндистон устидан 8:4 ҳисобида ғалаба қозониб, гуруҳ ғолибига айланди. Ўзбекистон эса 2-ўрин билан плей-оффга чиқди. Терма жамоамиз чорак финалда Саудия Арабистонига қарши майдонга чиқади. Мазкур ўйин 26 июнь, душанба куни Тошкент вақти билан 19:00да бошланади.
U17 Осиё кубоги. "D" гуруҳи, 3-тур
ВЬЕТНАМ - ЎЗБЕКИСТОН - 0:1 (0:1)
Гол: Шодиёр Шодибоев (25)
Ўзбекистон: 21.Муҳаммадюсуф Собиров, 5.Азизбек Тўлқинбеков, 6.Озод Ўктамов, 7.Лазиз Мирзаев (С), 8.Беҳруз Шукуруллаев, 13.Беҳруз Жуматов, 14.Шодиёр Шодибоев, 16.Муҳаммадали Раимов, 17.Оллаберган Каримов, 19.Шерзод Абдулбориев, 23.Дилшод Абдуллаев
ЯПОНИЯ - ҲИНДИСТОН - 8:4
| № | Жамоа | Ўйин | Ғалаба | Дуранг | Мағ-т | Т-Н | Очко | |
|---|---|---|---|---|---|---|---|---|
| 1 |  |
Япония | 3 | 2 | 1 | 0 | 13-5 | 7 |
| 2 |  |
Ўзбекистон | 3 | 2 | 1 | 0 | 3-1 | 7 |
| 3 |  |
Ҳиндистон | 3 | 0 | 1 | 2 | 5-10 | 1 |
| 4 |  |
Вьетнам | 3 | 0 | 1 | 2 | 1-6 | 1 |
