Хабарингиз бор, «Навбаҳор»нинг 27 ёшли ҳимоячиси Милош Милович ҳамюртларимизга яхши таниш бўлган Миодраг Радулович бошқараётган Черногория терма жамоаси таркибига чақирилганди.

Черногорияликликлар ФИФА кунларида 2 та ўйин ўтказишди. Дастлаб, Миодраг Радулович шогирдлари 17 июнь куни Евро–2024 саралаш баҳслари доирасида венгрияликларга қарши майдонга тушиб, 0:0 ҳисобидаги нурсиз дурангга имзо чекишди. Мазкур учрашувда Милович захирада қолдирилди.

20 июнь санасида эса черногорияликлар Чехия термаси билан ўртоқлик баҳси ўтказишди ҳамда унда чехияликлар йирик – 4:1 ҳисобида ғалаба қозонишди. Ушбу ўйинда Милош Милович бошланғич таркибдан ўрин олиб, 2-бўлимнинг бошида алиштирилди.

Черногориялик ҳимоячи айни пайтда Наманганда “лочинлар” билан биргаликда Сoca Сola Суперлигасининг 13-туридан ўрин олган “Нефтчи” – “Навбаҳор” беллашувига жиддий тарзда тайёргарлик кўрмоқда.

“Навбаҳор” ПФК матбуот хизмати.