Давид Де Хеа ёзда "Манчестер Юнайтед"ни тарк этиши мумкин.
Sky Sports хабарига кўра, испанияликнинг клуб билан шартномаси июнь ойи охирида тугайди ва ҳали янги шартнома имзоланмаган. Футболчининг "Манчестер Юнайтед"даги истиқболлари "катта савол остида" ва ҳар икки томон ҳам мавжуд бўлган бошқа вариантларни ўрганмоқда.
Манкунианликлар Давид Райя ("Брентфорд"), Андре Онана ("Интер") ёки Диогу Коштани ("Порту") сотиб олишни кўриб чиқмоқда.
Аввалроқ, Де Хеа "Манчестер Юнайтед" билан янги шартнома имзолашга рози бўлгани, маоши қисқартирилгани хабар қилинганди.
2022/23 йилги Премьер-лигада дарвозабон энг кўп қуруқ ўйин ўтказиб, "Олтин қўлқоп"ни қўлга киритди.
