Кўринишидан, Маркус Тюрам учун курашдаги муваффақиятсизликдан сўнг, ҳужум чизиғини кучайтиришга умид қилаётган "Милан" нафақат Ромелу Лукакуга қизиқиш билдирмоқда, балки бошқа ҳужумчиларни ҳам кузатмоқда.
Журналист Жанлука ди Марционинг хабар беришича, "россонерилар" "Вест Хэм" ҳужумчиси Жанлука Скамакка ва “Атлетико” форварди Альваро Мората номзодини кўриб чиқмоқда.
Тransfermarkt портали 30 ёшли Моратани 20 миллион еврога баҳоламоқда. 24 ёшли Скамакка эса 22 миллион еврога баҳоланмоқда.
Эслатиб ўтамиз, "Милан" Италия чемпионатини тўртинчи ўринда якунлади ва Чемпионлар лигаси гуруҳ босқичига йўлланма олди.
