"ПСЖ" ҳимоячиси Ашраф Ҳакимийнинг агенти Алехандро Камано футболчининг "Манчестер Сити"га ўтиши мумкинлиги ҳақидаги миш-мишларни рад этди.
“Париж Ашрафни 100 фоиз олиб қолмоқчи, бу лойиҳа бизга мос келади. "ПСЖ" спорт маслаҳатчиси Луиш Кампушни жуда ҳурмат қиламан, у бизга келажакка ишонч бағишлайди. Ўйлайманки, у вазиятни ўзгартиради ва биз ҳаммамиз Ҳакимийни нима кутаётганини кўрамиз", - дея Камано сўзларини келтиради AS.
24 июнь куни “Манчестер Сити” футболчини “Бавария”га ўтишга яқин турган Кайл Уокерга ўринбосар сифатида кўраётгани хабар қилинганди.
Ҳакимий "ПСЖ"да 2021 йилдан бери тўп тепади. 2022/23 йилги мавсумда футболчи барча мусобақаларда жамоаси сафида 39 та ўйинда майдонга тушиб, 5 та гол урди ва 6 та голли узатмани амалга оширди.
Transfermarkt.com портали ҳимоячининг нархини 70 миллион еврога баҳоламоқда.