"Эмполи" дарвозабони Гульельмо Викарио тиббий кўрикдан ўтиш ва "Тоттенхэм" билан меҳнат шартномасини имзолаш учун бугун, 25 июнь куни Лондонга келади. Бу ҳақда инсайдер Фабрицио Романо ижтимоий тармоқлар орқали маълум қилди.
"Шпорлар" 26 ёшли футболчи учун 2028 йилнинг ўрталарига қадар мўлжалланган узоқ муддатли шартномани аллақачон тайёрлаб қўйган. Келишув Лондон клубига 19 миллион еврога тушади. У жамоада франциялик Уго Льорисни алмаштиради.
Ўтган мавсумда Викарио барча мусобақаларда 32 та ўйинда майдонга тушиб, 41 та гол ўтказиб юборган. Унинг ҳисобида еттита тоза ўйин бор.
