"Empoli" darvozaboni Gulyelmo Vikario tibbiy ko‘rikdan o‘tish va "Tottenxem" bilan mehnat shartnomasini imzolash uchun bugun, 25 iyun kuni Londonga keladi. Bu haqda insayder Fabrisio Romano ijtimoiy tarmoqlar orqali ma’lum qildi.
"Shporlar" 26 yoshli futbolchi uchun 2028 yilning o‘rtalariga qadar mo‘ljallangan uzoq muddatli shartnomani allaqachon tayyorlab qo‘ygan. Kelishuv London klubiga 19 million yevroga tushadi. U jamoada fransiyalik Ugo Lyorisni almashtiradi.
O‘tgan mavsumda Vikario barcha musobaqalarda 32 ta o‘yinda maydonga tushib, 41 ta gol o‘tkazib yuborgan. Uning hisobida yettita toza o‘yin bor.
