“Сельта” ярим ҳимоячиси Габри Вейгага Англия Премьер-лигаси клублари қизиқиш билдирмоқда.

21 ёшли футболчига кўплаб гигантлар қизиқиш билдирмоқда, аммо "Ливерпуль" ва "Челси" ўсиб бораётган юлдуз учун асосий даъвогарлар бўлиб қолмоқда. Инсайдер Фабрицио Романонинг сўзларига кўра, "Ливерпуль" Вейгани яхши кўради, аммо миш-мишларга қарамай, "қизиллар"дан ҳалигача расмий таклифлар келиб тушмаган. "Челси" аллақачон футболчи билан боғланган ва музокараларни давом эттиришни режалаштирган.

Габри Вейга Ла Лиганинг сўнгги мавсумида "Сельта Виго" сафида 36 ўйинда 11 та гол ва 4 та голли узатмага муаллифлик қилган. Transfermarkt ярим ҳимоячининг нархини 30 миллион еврога баҳоламоқда.