"Эвертон" ярим ҳимоячиси Демарай Грэй Англия премьер-лигасини Саудия Арабистони чемпионатига ўзгартириши мумкин.
Sky Sports хабарига кўра, 26 ёшли вингер хизматларига "Ал-Ҳилол" қизиқмоқда.
Саудия клуби вакиллари тез орада Туманли Албионга учиб, “кўклар” билан музокара ўтказишади. 26 ёшли ямайкалик футболчининг трансфер нархи 20 миллион еврога баҳоланмоқда.
Грэй ва "Эвертон" ўртасидаги меҳнат шартномаси муддати 2024 йилнинг ўрталарига қадар амал қилади.
Грэй ўтган мавсумда АПЛда 33 та ўйинда майдонга тушиб, 4 та гол ва битта голли узатмани амалга оширган.