"Арсенал" бош мураббийи Микель Артета "канонирлар"нинг янги футболчиси Кай Хаверцнинг ўйини ва маҳоратини юқори баҳолади.
"Истеъдоднинг ўз баҳоси бор ва "Арсенал"да биз доимо тажрибали ёшларга қизиқамиз. Такрор айтаман, мен бошқа клубларнинг ўйинчилари ҳақида гапирмаяпман, лекин Кай мисолида у аллақачон кўп нарса кўрсатган, жумладан Чемпионлар лигасида. У иқтидорли ўйинчи, кўп қиррали", - деди испаниялик мутахассис, унинг сўзларини Marca келтирмоқда.
Эслатиб ўтамиз, "Челси" футболчиси Кай Хаверц яқин вақт ичида "Арсенал"га ўтиши керак. Клублар 55 миллион евролик шартнома борасида келишиб олишган.
